Гостиварецот Драгољуб Филипоски нов пратеник во Собранието

Собранието денеска на пленарна седница ги верификуваше мандатите на новите пратеници, кои дојдоа на местото на новоизбраните градоначалници на локалните избори. Меѓу нив е и гостиварецот Драгољуб Филипоски.

На местото на Тимчо Муцунски, кој е избран за нов градоначалник на Општина Аеродром доаѓа Тони Јаревски, на местото на Дарко Костовски од ВМРО-ДПМНЕ кој стана градоначалник на Општина Бутел доаѓа Зоран Коцевски, а на местото на новиот градоначалник на Штип Иван Јорданов ќе седне Драган Ковачки.

Костадин Костадинов, кој е нов градоначалник на Струмица, во собраниските клупи ќе го замени Љубица Спасева, Кирил Пецаков, кој стана градоначалник на Охрид Грација Бакраческа, а Билал Касами, кој на локалните избори беше избран градоначалник на Тетово, ќе го замени Драгољуб Филипоски.