Гостиварецот Шендрит Деари државен првак во тенис

Со вчерашните финални мечеви во двете конкуренции заврши Државното првенство во тенис. Нови шампиони станаа Шендрит Деари и Александра Симева.

Гостиварецот Деари во своето седмо финале ја освои втората шампионска титула, а за Симева ова е четврта шампионска титула.

Неизвесност резултатска имаше во машкото финале во Дејвис куп репрезентативецот на Македонија, Деари со 2:1 во сетови го совлада Стефан Мицов, Деари го доби првиот сет со 6:1 во гемови, а Мицов со истиот скор го доби вториот сет и мечот се решаваше во третиот сет, кој му припадна на Деари со 6:4. Со оваа победа во финалето Деари го изедначи скорот на 2-2 против Мицов во финалните мечеви за титулата државен првак.

Деари е роден 1989 година, на поедичната АТП листа највисок пласман му е 1131 место, во АТП двојки 1091, ја претставуваше Македонија на Дејвис купот.

Во конкуренција на машки двојки шампиони станаа Берк Бугариќ и Елдин Хусеиновиќ, откако финалето го добија без одигрување на мечот, а финалисти беа: Иван Манасов и Елведин Пепиќ.