Гостиварецот во чие возило полицијата најде хероин доби притвор

Денес попладне судија на претходна постапка на Основниот суд Гостивар на 58-годишниот гостиварец С.Б. му определил мерка притвор од 30 дена, поради основано сомнение за сторено кривично дело “неовластено производство и пуштање во промет на наркотични дроги, психотропни супстанци и прекурсори”, кој бил кривично пријавен од СВР Тетово.

Пријавениот ќе биде спроведен во Казнено-поправната установа Затвор “Скопје” во Скопје за издржување на притворот. „При преглед на возило”ауди” со гостиварски регистарски ознаки, што го управувал С.Б., а кое вчера (28 април) било запрено на влезот на Гостивар бил пронајден и одземен хероин, по што тој бил лишен е од слобода и задржан во Полициската станица Гостивар за расчистување и документирање на случајот.“, информира СВР.