Вести
Гостиварец ги храни гулабите на снежниот плоштад
Меѓу обилните врнежи од снег и трката да се завршат сите обврски, пренесуваме една навидум обична приказна, но доволно моќна да ви го стопли срцето во оваа снежна и студена зима. 26-годишниот гостиварец Фуркан Тиро, дел од своето време посветува на птиците и животните кога најмногу им е потребна човечката помош, во услови кога самите не можат да најдат храна. Хуманото момче го затекнавме на градскиот плоштад во Гостивар како ги храни гулабите. Работи во блискиот трговски центар, па купувајќи кифла за себе се сетил и на гладните птици.
„Има многу снег и гулабите не можат да си најдат храна, од нас чекаат да им фрлиме нешто, па да јадат. Сакам да им помагам, исто и дома во бавчата доаѓаат и им давам трошки, да не умрат од глад“, ни рече Фуркан Тиро во краткиот разговор.
Неколку гостиварци кои поминуваа низ плоштадот додека тој ги хранеше птиците го прашуваа како да помогнат и изразија желба да соберат пари, па заеднички да купат храна за гулабите. Момчето до сите упати апел да покажат љубов и грижа кон животните и птиците, особено во текот на зимата:
„Им порачувам на граѓаните сега во ова студено време да помогнат на кучиња, птици. Да им даваат јадење, зашто тие нема што да најдат на овој снег“.
Ете, Фуркан даде убав и едноставен пример како можеме сите ние да бидеме хумани и да научиме да пружиме помош.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар