fbpx
Поврзи се со нас

Вести Гостивар

Гостиварец покрена петиција за промена на системот на патарините: Вињета наместо наплатни рампи!

Објавено

на

Наместо редици и колони од автомобили на патарините, воведување на вињета (налепница за на шофершајбна) и слободно движење по автопатите низ земјава. Тоа е најновата иницијатива која со петиција за поддршка, кружи деновиве по интернет. Крајната цел е со конципиран систем, Македонија да стане главна крстосница на Балканот.

Иницијаторот на оваа електронска петиција е Владимир Наумоски, млад гостиварец кој приватно и службено долго време минува по патиштата.

„Целта е да се укинат патарините, да се смени начинот на наплата, во смисла да нема наплатни рампи и застој. Наплатните рампи се неправеден начин на наплата спрема луѓето кои работат во друг град и секојдневно патуваат. Сметам дека така би станале поатрактивни и за транзитирање на странците, затоа што апсурдно е некој странец што патува до Солун, на пример, да чека саат време на велешка патарина, а цел пат го поминува за час и половина“, вели Владимир.

Иницијативата е чисто граѓанска, моја, нагласува Наумоски и потенцира дека зад него не стои никаква организација. На прашањето дали воведувањато на вињети ќе ги  загрози работните места на вработените во патарините, тој одговара: „Луѓето го мислат тоа, но не е така. Може да се земе пример од Бугарија, Чешка, Австрија каде на вработените на наплатните рампи им е најдено соодветно место како контролори, продавачи на вињети и слично“.

Иницијативата за укинување на патарините, досега добила поддршка од над две илјади граѓани. Доколку бројката достигне над 10 илјади, петицијата ќе биде доставена до Јавното претпријатие за државни патишта. Ако и вие ја поддржувате, својот потпис може да го дадете на следниот линк: Петиција

Advertisement
Advertisement
Advertisement
Advertisement

Вработувања Полог:

Advertisement

Популарно изминативе 100 дена

error: Содржината е сопственост на Gostivarpess.mk!