Гостиварецот Даниел Ѓорѓески дебитираше за РК Вардар во СЕХА лигата

На вчерашниот натпревар во СЕХА лигата помеѓу РК Вардар и РК Извиѓач (42-30) шанса да застане на голот доби и младиот гостиварец Даниел Ѓорѓески. Кој блескаше во вториот дел со вкупно 8 одбрани, за што доби и аплаузи од публиката, но и скандирање на неговото име. Голманот на Вардар јуниор беше среќен што доби шанса, и што ја искористи. Вети дека доколку повторно биде повикан очекува пак да се докаже пред тренерот Гонзалез.

„Одличен натпревар, сакам да им честитам на ракометарите на Извиѓач за добрата игра. Да му се заблагодарам на нашиот тренер за укажаната шанса, покрај големите голмански имиња што ги има Вардар и се надевам дека ако ми се укаже нова шанса ќе ја искористам и ќе се докажам”, изјави младиот голман на Вардар јуниор.