Гостиварецот Ѓорѓи Нешкоски во нова домашна ТВ серија

Актерот и режисер Ѓорѓи Нешкоски глуми еден од ликовите во новата серија од македонска продукција  „Инсајдер“, чие снимање започна деновиве.

Се работи за социјално ангажирана ТВ серија во која се раскажуваат приказни од секојдневието на една новинска редакција. Преку работата на редакцијата, серијата ги обработува темите врзани со новинарството и со главните аномалии на општеството: корупцијата, криминалот и слично. Серијата, според најавите ќе се емитува наесен, на телевизија Телма.

Покрај гостиварецот Нешкоски, во „Инсајдер“ играат: српскиот актер Светозар Цветковиќ- Цвеле, Ирена Ристиќ, Јордан Симонов, Дејан Лилиќ, Силвија Стојановска, Горан Ников, Габриела Петрушевска, Ана Стојановска и Сања Арсовска.

Актерот Нешкоски до сега има остварено бројни улоги во театарски претстави, го води Драмското студио Дунек, играл на филм, глумел во македонски народни приказни, а познат е и како рекламно лице во повеќе маркетинг кампањи.