Гостиварецот кој го возел БМВ-то е тешко повреден, но во стабилна состојба

Познат е идентитетот на жртвите во вчерашната стратотна несреќа, која се случи на обиколницата “Мајка Тереза“, кај клучка Приштина во правец од Тетово кон Радишани.

Двајца полициски службеници вршеле радарска контрола и запреле возило „БМВ“, со гостиварски регистарски ознаки, управувано од 22 годишниот А.А. од Гостивар, а потоа во нив удрило товарно моторно возило „МАН“ со скопски регистарски ознаки управувано од 37 годишниот Д.Н. од Куманово. По ударот, возилото „БМВ“ се запалило.

„На местото на настанот починал совозачот во возилото „БМВ“, 34 годишниот Р.А. од Гостивар. Со возило на Итна медицинска помош А.А. и двајцата полициски службеници 37 годишниот С.Б. и 48 годишниот Г.А. биле пренесени во комплексот клиники “Мајка Тереза“ за укажување на лекарска помош, но во болницата С.Б. им подлегнал на повредите. Извршен бил увид на местото на настанот од Јавен обвинител и увидна екипа од СВР-Скопје и се работи на целосно расчистување на случајот.“, извести утрово МВР.

Возачот на БМВ-то се здобил со повреди на р`бетот, добива медицинска помош во Единицата за интензивно лекување на КАРИЛ во Скопје и се наоѓа во стабилна состојба.