fbpx
Поврзи се со нас

Вести

Гостиварецот Нинослав Нанков освои две награди за ораторство

Објавено

на

Младиот талентиран гостиварец, Нинослав Нанков, успешно ги спојува своето хоби- актерството и идната професија-правото. Гостивар веќе го знае како добар глумец и водител, а  Нинослав се покажа и како одличен оратор, кога станува збор за актуелните општествени теми. На 20-тата по ред Ораторска вечер, што се одржа неодамна на Факултетот за правни науки во Скопје, нашиот гостиварец освои две награди: второ место од стручното жири и специјална награда за најдобра интерпретација која се доделува во чест на познатиот актер, Бранко Ѓорчев.

„Многу сум среќен и задоволен од наградите кои ги добив на една голема и призната манифестација со традиција, како што е Ораторската вечер. Конкуренцијата беше јака и овој успех за мене е лична сатисфакција за вложениот труд. Особено сум горд на наградата за интерпретација, што ја доделува семејството на Бранко Ѓорчев во негова чест, вели Нанков, кој инаку е студент во трета година на правниот факултет во Скопје.

Говорот на Нинослав со кој ги освои симпатиите на жирито и публиката опфаќа размислување на еден млад човек околу актуелните состојби во државата и иселувањето на младата популација.

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!