Гостиварка прекршила изолација, се соочува со висока парична казна

Во текот на изминатото деноноќие на Државниот санитарен и здравствен инспекторат изготвил нови решенија за изолација на 36 лица во Гостивар и 174 во Тетово. Контроли им биле извршени на 610 лица во Гостивар со вакви решенија и 1290 во Тетово и при тоа било констатирано дека едно лице во Гостивар не го почитувало решението. Според информациите од надлежните, се работи за жена која и покрај тоа што имала решение за изолација, била затекната надвор од домот. Против гостиварката ќе биде поднесена соодветна кривична пријава за „непостапување според здравствените прописи за време на епидемија“ Таа се соочува со висока парична казна.

Во истиот период според статистиката на Секторот за внатрешни работи Тетово за неносење заштитни маски на вкупно 120 лицa (Тетово-70 и Гостивар-50) изготвени им се прекршочни платни налози.