Гостиварката Анѓелкоска издаде книга од областа на психологијата

„Развој на психолошкото тестирање“ е насловот на книгата со авторски потпис на доцент доктор по психолошки науки Слаѓана Анѓелкоска од Гостивар. Делото неодамна излезе од печат и е првиот учебник на македонски јазик кој ги опфаќа почетоците на психолошките тестови. Книгата го опфаќа развојот на психолошките тестови од самиот почеток на психологијата како наука, па се до денес.

„Изданието е на Меѓународен Славјански Универзитет, а учебникот е и дел од литературата на студентите на Меѓународниот Славјански Универзитет -Г. Р. Детжавин-Свети Николе и Битола. Секако, интересен е и за сите коишто имаат афинитет кон оваа област во психологијата.“, вели авторката.

Гостиварката Анѓелкоска е редовен професор на Славјанскиот Универзитет и автор на многу трудови од областа на психологијата објавени во меѓународни стручни списанија. Таа е психотерапевт и сертификуван тренер за Емоционална писменост, за Асертивна комуникација и за стимулирање на интелигенција кај децата.

Анѓелкоска беше соработник и на Gostivarpress.mk во рубриката Деца и родители.