Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 08/02/2018

Гостиварката Билбиловска првонаградена за расказ од Републичкиот Црвен Крст

Ученичката Костанца Билбиловска го освои првото место на државниот конкурс за најдобар расказ распишан од Црвениот Крст на Република Македонија во соработка со Министерството за образование и наука. Конкурсот беше дел од ПХВ програмата (промоција на хумани вредности) со која се цели да се поттикне хуманоста и солидарноста кај младите и нивно активирање во заедниците кадешто живеат.

Костанца, која е ученичка во прва година во гостиварската гимназија ја доби првата награда за  расказот насловен како “Има надеж” , посветен на децата со посебни потреби.

“Се надевам дека мојот расказ за децата со посебни потреби, силно ќе одекне во јавноста и ќе испрати порака дека без разлика на се, сите ние исто се смееме, исто се радуваме, исто сакаме…”, вели младата писателка на која наградата и дипломата и беа доделени вчера.

Билбиловска твори поезија и проза од најмала возраст и до сега има добиено повеќе награди на конкурси и манифестации.

Оставете коментар

Вашата Емаил адреса нема да биде објавена.Задолжителните полиња се означени *

*