Гостиварката Симона Јанакиеска доби 6.000 евра стипендија за студирање на Европски Универзитет

Матурантката Симона Јанакиеска од Гостивар доби четиригодишна стипендија во висина од 6.000 евра за студирање од Европскиот Универзитет од Скопје на тамошниот економски факултет. Стипендијата на младата гостиварка и е доделена преку отворен конкурс, во рамки на Караванот на образованието, кој Универзитетот го спроведе во соработка со Општина Гостивар.

Симона била избрана од тричлената комисија од локалната самоуправа како најуспешна и најподготвена да одговори на предизвиците во натамошното високо школување.

„Ја добив стипендијата за сите 4 години што за мене претставува навистина голем успех. Се пријавив на кокурсот по предлог на една другарка за што сум и многу благодарна.“, рече Јанакиеска.

Претставниците на Универзитетот нагласија дека им е задоволство што гостиварката станува дел од нивната образовна установа. „Целта наша беше да ги поттикнеме и мотивираме успешните луѓе кои сакаат да го надоградат своето образование, да си ја пробаат среќата. Симона беше храбра и не се плашеше од тоа дали ќе има или нема конкуренција и верувам дека ќе биде една од најдобрите студентки кај нас“, рече Сузана Турунџиева, ПР на Европски Универзитет. 

Градоначалникот Арбен Таравари, при врачување на стипендијата и` честиташе на Јанакиеска, потенцираше дека Гостивар се гордее со младите вредни луѓе и и` посака успеси во факултетските денови.