Што, како, каде?!
Gostivarpress.mk слави 3-ти роденден – Oстануваме ваши!
Почитувани читатели, пријатели, соработници, поддржувачи – септември е значаен месец за Gostivarpress.mk, како месец кога го направивме првиот чекор во медиумскиот свет и првиот чекор кон вас. Денеска славиме трети роденден и со гордост можеме да кажеме дека веќе одиме цврсто и сигурно, по истиот пат кој го зацртавме на самите почетоци.
Приказната за Gostivarpress.mk започна од ентузијастичка идеја да се создаде современ електронски медиум за гостиварскиот регион: автентичен, близок до граѓаните, вистинит, интересен, медиум којшто ќе информира за случувањата, секојдневните настани, актуелните состојби, ќе раскаже по некоја сторија за успех, ќе ги овековечи низ збор и фотографија препознатливите белези на Гостивар и регионот, медиум којшто ќе ги отвори своите страници за вашите реакции, проблеми, предлози, медиум на кој може да му се верува.
Волјата беше неизмерна, таква е и денес, после три години работа. Ќе звучи нескромно, но убедени сме дека, освен што ги оправдавме нашите очекувања, секојдневно ги оправдуваме и очекувањата на нашите читатели, прераснувајќи во регионален медиумски бренд, лидер по бројот на посети, лидер по бројот на создадени вести од регионот. За три години успеавме да се најдеме помеѓу најпосетуваните 100 македонски веб страници во државата. Пресреќни сме што читателите ги препознаваат вредностите и ни ја даваат својата доверба и поддршка.
Три години, без ниту еден ден пауза Gostivarpress.mk расте и се развива. Сепак, мисијата останува иста – да се донесе проверена информација, да се биде гласот на народот, со објективност, вистина и без сензационализам или пристрасност.
Со големо задоволство и возбуда пишуваме за убавите нешта во Гостивар, за прослави на празници, награди на ученици, драмски претстави, концерти, спортски успеси. И сакаме да има што повеќе вакви вести. Ги следиме работата и функционирањето на општинската власт и јавните претпријатија и установи и за тоа објективно и професионално известуваме. Алармираме за проблемите коишто ги засегаат граѓаните. За жал, информираме и за несреќи и други немили настани, за кои искрено посакуваме што помалку да ги има.
Патот не е лесен, но ние продолжуваме напред. Секогаш може подобро и побрзо, поинаку од другите. Остануваме ваши, од срце ви благодариме за довербата!.
Наместо со торта, за роденденот ве чeстиме со нов дизјан на порталот!
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk