Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 03/11/2018

Гостиварска Апелација работи со недоволен број на судии

Апелациониот суд во Гостивар работи со зголемен прилив на предмети, а во недостаток на судии. Според годишниот извештај, судот лани имал 6.006 предмети, од кои биле решени 5.417.

Остатокот од 589 незавршени предмети, одговорните во Апелација го објаснуваат со недоволен број на судии и над 200 предмети од скопскиот Апелационен суд, кои биле доделени на судии во Гостивар.

„Неколку години наназад бевме ажурен суд, но лани не успеавме да го совладаме приливот на предмети. Ни фалат двајца судии, а воедно со одлука на Судскиот совет добивме голем број на предмети од Апелациониот суд во Скопје“, изјави Шефајет Хајдари, претседател на Апелационен Суд во Гостивар.

Гостиварска Апелација е надлежна да  решава по жалби против одлуките на Основните судови во Гостивар, Тетово, Дебар и Кичево. Според систематизацијата за нормално функционирање, предвидени се 16 судии, а актуелно ги има 14. Како што објасни, претседателот Хајдари, еден судија заминал во пензија, а друг поднел оставка.

Освен судии, Апелација има потреба и за дактилографи, други судски службеници и технички персонал.

 

Оставете коментар

Вашата Емаил адреса нема да биде објавена.Задолжителните полиња се означени *

*