Гостиварска делегација во посета на Центарот за аутизам во Тирана

Стручни лица кои работат со децата со посебни потреби заедно со раководителката на Одделението за образование во Општина Гостивар, Аслиан Снопче го посетиле Центарот за аутизам во Тирана каде оствариле средба со директорката на центарот, Лири Бериша.

Дел од гостиварската делегација во Тирана биле дефектологот Самир Грбле, психологот Арта Арифи Креци и логопедот Генц Таравари.

Како што соопшти општината, директорката Бериша изразила подготвеност да пружат помош и поддршка на стручниот кадар и на институциите од Општина Гостивар во насока на организирање на обуки и стручни семинари, план-програми, материјали и стручна литература.

„Раководителката Снопче, посетата во Тирана ја оцени како мошне продуктивна и изрази уверување дека оваа соработка ќе биде делотворна и во корист на институциите, кадрите и децата со посебни потреби во општина Гостивар“, наведуваат од локалната самоуправа.