Гостиварската полиција одзеде 5 патнички моторни возила заради бучавост

Во рамките на планираните активности за поголем ред и безбедност во сообраќајот во летниот период, вчера (19 јули) во периодот од 18 часот до 20 часот и 30 минути во централното подрачје на Гостивар спроведена е локална акциска контрола во која времено биле одземени 5 патнички моторни возила, претежно заради бучавост. На нивните сопственици ќе им бидат изготвени соодветни поднесоци согласно член 344 став 1 од Законот за безбедност на сообраќајот на патиштата.

Доколку се утврди техничка неисправност на возилата, тие ќе бидат задржани во гостиварското Полициско одделение за безбедност на патниот сообраќај.

Инаку, од започнувањето на практичната примена на измените на Законот за безбедност на сообраќајот на патиштата, на поширокото гостиварско подрачје вкупно биле времено одземени 56 моторни возила, од кои 50 за истечена регистрација повеќе од шест месеци и 6 за бучавост, како и една приколка.