Гостиварската полиција приведе лице кое се обидувало да ограби дуќан

Ноќеска, околу 1 часот, на улица „Илинденска“ во Гостивар, полициски службеници на Секторот за внатрешни работи Тетово-Полициска станица Гостивар, лишиле од слобода 34-годишен жител на село Дебреше, информираат од полицијата.

Тој околу 23 часот се обидел да изврши тешка кражба во гостиварски трговски објект на Булевар „Гоце Делчев“, но бил забележан од неговиот сопственик и веднаш почнал да бега. Сопственикот на објектот го стигнал и фатил, а потоа го пуштил, зашто му се заканил дека ќе го нападне.

Триесет и четиригодишникот е задржан е во Полициската станица Гостивар и се работи на расчистување на случајот.