Гостиварската полиција приведе лице во чиј дом пронајде пиштол

Во текот на вчерашниот ден од 11 часот и 30 минути до 12 часот и 30 минути, полициски службеници на Секторот за внатрешни работи Тетово-Полициска станица Гостивар извршиле претрес во домот на 51-годишен жител на гостиварското село Добридол.

При претресот, реaлизиран со судска наредба, пронајден е пиштол „Зораки“ со празна рамка и 9 куршуми калибар 7,65 милиметри, кои ги поседувал без дозвола, информираат од полицијата.

Сето пронајдено е фотодокументирано и одземено за вештачење, лицето лишено од слобода и задржан за целосно расчистување на случајот.