Гостиварски театар вечерва со премиера на Охридско лето – ветуваат незаборавно театарско уживање

Најмладата театарска куќа во Македонија, Гостиварски театар, вечерва (26 август) во Охрид премиерно ќе ја изведе претставата „Полковникот птица“ на текст од Христо Бојчев, во режија на Андреј Цветановски. Премиерата, која ќе се одржи на сцената „Долни Сарај“ е дел од 60-тото јубилејно издание на најголемиот фестивал во земјава „Охридско лето“.

ТГВ вчеравечер ја имаше генералната проба. Подготвени се на публиката да и’ пружат незаборавно театарско уживање.

Дејствието на траги-комедијата „Полковникот птица“ е врзано со група на ментално болни луѓе, кои живеат во лудница. Таму по грешка завршува Нато пратка фрлена од авион, од што тие ќе се поттикнат да се организираат да одат во Стразбур, да бараат правда и решение за својот проблем. Во претставата играат: Ѓорѓи Нешкоски, Елизабета Клинчаревска-Младеновска, Марко Дојоски, Береда Решид, Марија Кондовска, Аријан Ејупи, Дритан Лазами, Кујтиме Ахмети, Ајше Усеини и Берат Махмути.

Поради ковид пандемијата премиерата ќе се одржи под посебен протокол, со 50% од капацитетот за публика, задолжително носење маски и држење растојание.