Гостиварскиот градоначалник започна со посети на училиштата

Како што најави минатата недела, новиот градоначалник на Гостивар, Арбен Таравари од денес започна со посети на училиштата во градот каде остварува средби со колективите. Најпрво го посети ОУ „Исмаил Ќемали“, во кое како што откри учел и самиот како дете.

Градоначалникот од вработените бара да му предложат по три имиња за в.д директор, од кои тој избере еден. На тој начин, вели Таравари се прават напори да се деполитизира образованието.

“Треба постепено да одбереме директори на основните и средни училишта. Според мене, едно од најпрестижните и најважни училишта е училиштето во кое и јас сум учел, односно училиштето”Исмаил Ќемали”. Сметам дека наставниот кадар треба да биде дел од изборот на директорот и затоа сум тука да ги слушнам нивните предлози.”, изјави Таравари, нагласувајќи дека во наредните денови ќе ги посети и останатите училишта во градот.

На подрачјето на општина Гостивар има 11 централни основни училишта и четири средни училишта.