Гостиварските фризери на „Prilep Special show“

Над 200 фризери, бербери и козметичари од цела Македонија, викендов учествуваа на манифестацијата насловена како „Prilep Special show“, која се одржа во ноќниот клуб ВИП во Прилеп. Настанот се организира за прв пат во Македонија, а организатор е секцијата на фризери, бербери и козметичари од Прилеп. Манифестацијата ја отвори градоначалникот на Прилеп, Илија Јованоски, кој истакна дека Прилеп е авангарден град, а доказ за тоа биле овие млади луѓе кои што денеска го организираа овој несекојдневен спектакл.

Целта на настанот е сплотување на фризерите, берберите и козметичарите како и изразување на нивната креативност. Темата на ова шоу беше „All around the world“ и секоја група се претстави со по една светска метропола“.

На „Prilep Special show“ свои претставници имаше и Гостивар. Група составена од 10 луѓе, фризери и козметичари подолго време заеднички се подготвуваа за овој настан. Нивна задача беше во „All around the world“ беше Токио. На таа тема изработија фризури карактеристични за јапонските гејши, во едно модерно издание. Надополнето со убаво смислена кореографија и автентични костими.

Изведбата на гостиварци никого не остави рамнодушен на шоуто, беше една од најинтересните и највпечатливите креации на настанот.