Гостиварските пожарникари на гости во центарот на ангелите „Заедно можеме“

Дечињата кои го посетуваат центарот на Здружението на лица со посебни потреби „Заедно можеме“ во Гостивар, денес имаа можност да се дружат со пожарникарите од гостиварската  Противпожарна едница. Гостите на кои многу им се израдуваа ги пречекаа со цвеќиња во рацете.

„Самите деца изразија желба да не‘ посетат пожарникарите и тие им ја исполнија. Голема радост предизвика присуството на пожарникарите кои им пружија бескрајна љубов на ангелите во нивното гнездо – Центарот „Заедно можеме“. Како раководство на здружението, се чувствуваме високо почитувани и ценети што денеска пожарникари ни беа на гости во топлите простории на овие ангели. Срдечно му благодариме на раководителот на ТППЕ – Гостивар Јусуф Бајрам кој со задоволство го прифати барањето и овозможи денес нашите ангели да поминат дел од денот со овие добри луѓе кои не штитат од пожари и други несреќи.“, рече претседателот на здружението, Шпенди Салија.

При посетата пожарникарите ги запознаа децата со нивната работа и обврски, како и со дел од опремата што ја користат, униформите, специјалните противпожарни возила.