Гостиварските угостители бараат државна помош во спротивно ќе мора да отпуштаат вработени

Гостиварските угостители бараат конкретни мерки од властите за да можат да ги покријат штетите кои ги предизвикуваат мерките на владата за нивно затворање. Доколку во најбрз рок не добијат конкретна помош, како што велат во нивното соопштение по денешниот договор, ќе мора да започнат да ги одјавуваат работниците и да ги радикализираат нивните барањата.

„Согласно групацијата на угостители во државата, а во име на сите угостители од Гостивар, бараме од Владата во најбрз рок од два до три дена да излезе со конкретни мерки по нашата дејност со што би го ублажиле економскиот удар кој со воведените мерки директно ја погоди нашата егзистенција. Се споменуваше и најавуваше некаква поддршка, но до ден денес нема ништо од тоа, нити некој не контактирал, нити има каде да се обратиме. Затоа од властите бараме:

-Субвенционирање на бруто плата за 6 месеци
-Субвенционирање со неповратни средства за да ги покриеме трошоците шти ги имаме во овој период
-Замрзнување на отплатата на кредитите кои претходно ги имаме подигнато

Во спротивно ќе бидеме приморани да пристапипме кон одјавување односно отпуштање на вработените и радикализација на нашите барања“, се вели во соопштението на угостителите од Гостивар.