Гостиварско архиерејско намесништво: Славските колачи за Св.Петка ќе се благословуваат во храмовите на 26 и 27 октомври

Во пресрет на празникот Света Петка, кој се слави на 27 октомври и голем број на православни верници во Гостивар и гостиварско го имаат за куќна слава, Гостиварското архиерејско намесништво соопштува дека организира дежурни свештеници кои ќе ги благословат славските колачи во храмовите Света Богородица и Света Петка, наместо во домовите.

„Го повикуваме православното население од Гостивар кое го чествува Света Петка како куќна слава и до сега своите славски колачи ги благословувале дома, годинава истите заедно со пченицата и виното за благослов може да ги донесат во храмот „Света Богородица“ и во храмот „Света Петка“ во Гостивар. Свештенството од гостиварското намесништво организира дежурни свештеници кои ќе ги благословат славските колачи на 26 октомври, (вторник) во Св.Богородица од 7 до 17 часот и во Св.Петка од 15 до 17 часот и на 27 октомври (среда) во Св. Богородица од 7 до 14 часот, а во Св.Петка од 7 до 12 часот“, информираат од Гостиварското архиерејско намесништво.