Гостиварското дуо „Twelve“ со прв сингл и спот

Гостиварското хип-хоп дуо „Twelve“ ја објави својата прва песна „Рокстар“, за која премиерно е снимен и видео запис.

Песната е снимена во студиото на „MeckaWarriorProduction“, во Охрид. Музиката е на „Yung Dza“ од Белград, а текстот е напишан од членовите на „Twelve“, Александар и Бојан.

Видео записот за „Рокстар“ е снимен на повеќе локации во Гостивар, го изработи „SteadyFlow“ продукција.

Дуото „Twelve“ постои од 2012 година, формирано од Александар Ѓурчиновски и Бојан Михајлоски, до сега имаат снимено преку 10 демо снимки, ова им е прв посериозен проект.