Вести

И гостиварци ги бодрат македонските ракометари во Хрватска

Објавено

пред 6 години

на

17/01/2018

Од

Gostivarpress.mk

Македонската репрезентација настапува на мометално најголемиот ракометен настан на светот Европското ракометно првенство во Хрватска. Во Загреб се наоѓаат илјадници македонски навивачи кои ја бодрат нашата репрезентација, а во “Фалангата” има и голем број на наши сограѓани од Гостивар. Некои од нив директно од Загребска Арена, некои после натпреварите, други веќе вратени, ни ја пренесуваат атмосферата од натпреварите.

“Заминавме за натпреварот со Словенија, во Загреб пред почетокот на натпреварот беше пријателска атмосфера помеѓу нашите и словенските навивачи, собрани во трговскиот центар до арена заедно навивавме и се забавуваме. На натпреварот атмосферата беше фантастична. Црвено-жолто насекаде, се пее, навива од сите страни, седевме баш позади ракометарите и заедно се бодревме сите. Шок натпревар со многу пресврти, навивањето беше одлично.

После натпреварот сите словенци со кои се сретнавме ферски ни честитаа, ми остави впечаток коментарот на еден словенец Ние сме сме на 150 километри од Загреб, вие на 900 километри и пак бевме помалце од вас, секоја ви чест Македонци”. – Дејан Димоски

“Тргнавме за Загреб со желба за успех како и секогаш кога игра македонската репрезентација, имавме мали авантури по пат но најважно стигнавме за мечот со Словенија. Најпрво во фан зоната потоа на натпреварот. Што да се каже, феноменална атмосфера, многу наши навивачи кои максимално ги бодрат нашите ракометари. Имаме одличен селектор, имаме одличен скор до сега, сите коцки се тука за историски успех. Пред натпреварите редовно има фан зона за навивачите од Македонија, со наша музика тука се загреваме пред натпреварите, а после се обединуваме во клуб Роко.

Ја одржуваме и традицијата, организиравме за Водици, фрлање на крст за македонските навивачи тука во Загреб, ќе биде фешта, спектакуларно. Останувам тука до медаља. Нема повлекување, после победите врз Словенија и Црна Гора загарантиран ни е вториот круг, се селиме за Вараждин”. – Мирослав Попоски.

“Во Загреб права лудница, одлична атмосфера и одлични резултати. Гостиварци на секој чекор” Емил Мегдиу

Секојдневно ни пристигнуваат фотографии, извештаи, пораки од нашите навивачи кои се во Загреб, се враќаат или патуваат натаму. Им благодариме на сите што ги споделуваат импресиите со нас.

Сподели ја веста:

Поврзани теми:

Следнo

Директорот на гостиварската болница поднел оставка – кој ќе дојде на негово место?

Не пропуштај

Семејство од Циглана бара помош: Немаме ни за леб, ни за лекови