Ѓозлеме на домашен начин

Традиционален турски рецепт кој во поново време е подзаборавен од домаќинките. Во минатото бил присутен на секоја софра, денес ретко каде може да се проба. Лесно за подготовка вкусно за јадење, ви пренесуваме еден од начините за подготовка.

Состојки:
-450 gr. Брашно
-Масло за јадење
-320 ml. топла вода
-1 сув квасец
-1 лажичка шеќер
-2 лажички сол

Подготовка:
Брашното просејте го во длабок сад, ставете ја солта. Во млака вода ставете ги сувиот квасец и шеќерот да се растопат. Кога квасецот ќе се запени, ставете го во садот со брашното. Замесете меко тесто и оставете го на топло да ја удвои големината. Кога тестото ќе стаса, односно кога ќе забележите дека тестото се удвоило, поделете го на 8 еднакви топчиња и нив оставете ги да нараснат малку.

Секое топче со сукало развлечете го што потенко можете. Филувајте на едната половина го со фил нанесен во тенок слој. Пржете на тивок оган.

Ѓозлемето може да се полни со најразлични филови, во зависност од тоа што преферирате, еве неколку предлози:

-спанаќ, фета сирење и мелено месо
-спанаќ, фета сирење и јајца
-јајца
-мелено месо
-кашкавал
-компири
-печурки