„Градење на здрави животни навики на момчињата“, нов проект во Гостивар

Млади гостиварци во следните 12 месеци ќе се вклучуваат во активности насочени кон градење толеранција, локални младински политики, превенција на насилство и слично. Активностите ќе бидат организирани во рамки на проектот „Градење на здрави животни навики на момчињата во Гостивар и Ѓорче Петров“, кој денес беше официјализиран со потпишување на Меморандум меѓу Општина Гостивар и Центарот за истражување и креирање политики (ЦИКП).

„Целта на проектот е позитивното трансформирање на однесувањата кај младите момчиња со цел градење толерантни општества и превенција на врсничкото и родово базираното насилство. Во проектот кој ќе трае 12 месеци, ќе бидат вклучени општинските средни училишта со што младите ќе се мобилизираат за утврдување на приоритети, вклучување во креирање локална политика за млади. Проектот се имплементира со проектините партнери CARE International Balkans.“, информираа од Општина Гостивар.

Потпис на Меморандумот за соработка ставија гадоначалникот Арбен Таравари и извршниот директор на ЦИКП,  Марија Ристеска.