Градинките ги прилагодуваат групите, приоритет ќе имаат децата на самохрани и на двајца вработени родители

Кога точно ќе повторно ќе се отворат детските градинки, се‘ уште не се знае. Министерството за труд и социјална политика информираше дека на состанок со Комисијата за заразни болести и претставници на Министерството за здравство била донесена одлука да се ажурираат податоците за бројот на деца за кои родителите се изјасниле дека ќе посетуваат градинка. Согласно донесениот Протокол, приоритет за згрижување има дете на самохран родител којшто е во работен однос и дете на двајца родители кои се во работен однос, а работните задачи мора да ги извршуваат на работното место. Информацијата ќе биде изработена врз основа на податоците од сите градинки, јавни и приватни, соодветно на доставените потврди од родителите.

„Министерство за труд и социјална политика во соработка со Комисијата за заразни болести има изработено Протокол- оперативен план за активности во установите за згрижување и воспитание на деца по укинување на вонредната состојба, усвоен од Владата на Република Северна Македонија на 29.05.2020 година и истиот беше испратен до Јавните и приватните установи за деца – детските градинки за нивно постапување. Претставниците на МТСП појаснија дека Протоколот е прифатен од страна на сите градинки и истите ги прилагодуваат групите согласно насоките. Министерството нема добиено насоки за измена на Протоколот.“, соопшти МТСП.