fbpx
Поврзи се со нас

Гостивар

Градинките во Гостивар подготвени – Околу 160 родители се пријавиле да ги носат децата

Објавено

на

Ковид пандемијата ги остави градинките без детски џагор скоро шест месеци. Откако се усвои протокол се чека на одлуката на Владата, кога ќе отпочнат со работа. Во меѓувреме управите ги вршат неопходните подготовки за повторен прием на дечиња.

Правилата се строги. Мора да се одржува високо ниво на хигиена, честа дезинфекција, миење на рацете и проветрување, воспитувачките се задолжени да носат маски, на влез на децата ќе им се мери температура итн.

Гостиварските градинки се подготвени повторно да ги отворат вратите за децата. Пред самиот почеток, ќе се спроведе уште една темелна дезинфекција.

„Подготвени сме да отпочнеме со работа. Беше извршена темелна дезинфекција, а тоа повторно ќе се проведе неколку денови пред да почне приемот на дечиња. Го добивме протоколот од Министерството за труд и социјала и се подготвивме за негово целосно спроведување. Воспитувачките и негувателките се запознаени со мерките и нивните обврски, исто така и персоналот што е задолжен за хигиената. Секако, и родителите ќе ги информираме навремено. Се уште не се знае кога градинките ќе почнат да згрижуваат деца, и во очекување сме на таа одлука“, вели директорката на детските градинки во Гостивар, Мирјана Мицоска.

Интерес за згрижување на децата има. Околу 160 семејствата се изјасниле дека имаат потреба да ги носат децата во градинка. При тоа доставиле потврди дека се вработени и двајцата родители, што е услов за да се згрижи детето. Предност исто така ќе имаат и самохрани родители. Според протоколот, групите треба да имаат максимум 15, односно 6 деца зависно возраста.

„Групите до 2 годишна возраст може да примаат максимум 6 деца, а групите од 2 до 6 години најмногу 15 деца. Деновиве ги разгледуваме пријавите и потврдите од родителите, и доколку нема поголеми групи, нема да има ниту пречки да се примат сите деца. Ако има поголем број на деца, ќе разгледаме во соработка и со поддршка на општината да изнајдеме решение“, рече Мицоска.

При нормални услови трите детски градинки и центрите за ран детски развој во Гостивар може да примат од 700 до 800 деца. Согласно новиот протокол, во услови на пандемија капацитетот се намалува на 340.

Остави коментар

Оставете коментар

Вашата адреса за е-пошта нема да биде објавена. Задолжителните полиња се означени со *

Advertisement
Advertisement
Advertisement
Advertisement
Advertisement

АНКЕТА:

ДАЛИ БИ СЕ ВАКЦИНИРАЛЕ ПРОТИВ COVID-19?

Гостиварпред 4 недели

Обновени се податоците: Проверете дали сте добитник на финансиска помош од 6.000 денари

Гостиварпред 3 недели

Поставена спомен плоча во чест на полицаецот Ѓурчиновски кој загина во несреќа на патот Гостивар-Тетово

Гостиварпред 4 недели

Надминат проблемот на „купувај домашно“ приговори може да поднесуваат и граѓаните на Општина Гостивар

Македонијапред 4 недели

Во тек е исплата на финансиска помош од 100 евра, приговорите се разгледуваат

Гостиварпред 4 недели

На „купувам домашно“ нема опција за приговор за граѓани на Гостивар

Гостиварпред 7 дена

Детали од банкомат кражбата во Гостивар: Го исклучиле алармот, користеле хебли и брусилици…

Гостиварпред 3 недели

Проституцијата цвета, во Гостивар над 270 девојки и жени даваат сексуални услуги

Гостиварпред 2 недели

Инфектологот Наумоски од Гостивар за личната борба со ковид: Болеста ја погодува психата, поддршката од блиските и околината е најважна

Популарно изминативе 100 дена

error: Содржината е сопственост на Gostivarpess.mk!