Градоначалникот Таравари на терен кадешто се врши уредување на улици

Деновиве, на неколку локации во Гостивар се изведуваат работи за уредување и асфалтирање на улици. Гостиварскиот градоначалник, Арбен Таравари излезе на терен  на крак на улицата улицата „ЈНА“ , за да проследи како тече реализацијата. Се работи за улица во должина од околу 150 метри  и просечна ширина од 5,5 метри. Во одредени делови е интервенирано и на нивелирање на шахтите.

„Работите се одвиваат според планираното и очекуваме за десет до петнаесет дена, да се заврши со асфалтирањето. Сакаме да бидеме транспарентни и да кажеме дека вредноста на проектот е околу 1,7 милиони денари со ДДВ. Ова беше барање на граѓаните коишто живеат овде и се надеваме дека ќе бидат задоволни од тоа што ќе го сработиме.  Во план е во скоро време да почнеме со средување и на соседната уличка, што е веднаш тука до оваа“, изјави градоначалникот.

Таравари нагласи дека периодов во неколку села се работи на изградба на канализациони мрежи и најави дека за месец дена, канализација ќе отпочне да се гради и во селото Чегране. Меѓу поважните проекти коишто се планирани да се завршат до крајот на годината, градоначалникот ја напомена изградбата на детската градинка во Долна Бањица.