Гостивар
Градоначалникот Таравари неосновано реагира на наслов на новинарски текст на Gostivarpress.mk
Градоначалникот на Гостивар, Арбен Таравари денес одговорот на новинарско прашање околу серијата обвинувања од страна на ДУИ на негова и на адреса на општината, го почна со изразување жалење за наслови во медиуми во известувања за прес конференции на ДУИ. Градоначалникот конкретно го посочи насловот во објавата на Gostivarpress.mk „Хасани: Општина Гостивар е во рацете на банди, корумпирана со скандалозни тендери и плаќања за измислени трошоци“, а во неговата изјава обраќајки се кон новинар на Gostivarpress.mk ги препиша зборовите на цитираното лице во насловот, како зборови на медиумот.
„ДУИ во последно време има две – три прес конференции и вака ќе продолжат најверојатно и понатаму. Излегуваат и обвинуваат и за жал медиумите прават наслови: Банди раководат со општина Гостивар. Жалам конкретно за вашиот медиум (Gostivarpress.mk). Кажете ја веста, но не мора да кажувате „банди“, ако веќе кажете дека банда раководи со општина, треба да имате факти.“, рече Таравари, обраќајки се кон новинар на Gostivarpress.mk
Во насловот на објавата „Хасани: Општина Гостивар е во рацете на банди, корумпирана со скандалозни тендери и плаќања за измислени трошоци“, јасно и недвосмислено се гледа и чита дека има цитат, дека зборот „банди“ што го нагласи градоначалникот, го кажува цитираното лице, а не го кажува Gostivarpress.mk. Gostivarpress.mk го пренесува цитатот и тоа автентично како што е кажано на прес конфренцијата, при тоа со наведување на презимето на лицето коешто ја дало изјавата, а текстот го содржи и целото име и презиме.
Во овој конкретен случај нема прекршување на новинарските правила и кодекси. Затоа, Gostivarpress.mk ваквата реакција на градоначалникот ја смета за некоректна, неоснована и како притисок врз слободното новинарство. Како редакција се надеваме дека таквите случаи нема да се повторат. Секако, како професинален медиум оставаме можност за демант, корекција, реакција на објавите, но во никој случај нема да останеме рамнодушни кон удар врз слободата на медиумот.
Gostivarpress.mk ќе продолжи со непристрасно и објективно известување, како и до сега. Во насока на зачувување на вредноста на професионалното новинарство во медиумскиот хаос што владее, на читателите, политичарите, функционерите им препорачуваме да го подигнат нивото на медиумска писменост.
Апелираме оваа реакција на редакцијата да не се злоупотребува во политички цели.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар