Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 06/11/2018

Градоначалникот Таравари се огласи за трагедијата со удавеното девојче

Општина Гостивар испрати соопштение во кое го пренесува ставот на градоначалникот Арбен Таравари за трагичната смрт на 17 годишното девојче од Здуње.

„Со длабока тага ја примив веста дека Џејха Меџити, младо девојче од село Здуње, починала вчера давејќи се во водите на реката Вардар. Ваков трагичен настан не е туѓ за мене, бидејќи во исти околности изгубив член од моето потесно семејството. Девојчето, велат дека се удавило обидувајќи се да се спаси од куче скитник. Иако случајот се уште нема службена верзија, наклонет сум да му верувам. Гостиварци не измислуваат политички напади до овој степен. Чувствувам целосна одговорност како градоначалник да објаснам дека во нашиот мандат, наследивме трло од 400 кучиња кои можевме да ги изброиме само во Гостивар, а нивниот реален број сигурно бил многу поголем. Сме собирале колку што сме можеле, надминувајќи ги и можностите за згрижување, сме оперирале 50 од нив и сме вакцинирале 100. Изразувајќи најискрено сочувство на семејството на девојчето, како брат кој по вторпат ја изгуби својата сестра, би замолил да не влегуваат во политички драми оние кои воопшто не ги засега болката на семејството или на оние кои биле погодени со вакви несреќи! Ве молиме оставете ја екипата да работи без притисоци за згрижување на кучињата и да не измислуваме драматично-политички приказни“, стои во изјавата на градоначалникот.

Оставете коментар

Вашата Емаил адреса нема да биде објавена.Задолжителните полиња се означени *

*