Градоначалникот во посета на дежурните служби во ПС Гостивар и пожарна

Првиот човек на Гостивар, Арбен Таравари вечерва ги посети дежурните служби во Противпожарната единица и ПС Гостивар. Поразговара со пожарникарите и полицајците коишто на новогодишната ноќ остануваат во служба на граѓаните, на своите работни места, се` до раните утрински часови и им подели новогодишни пакетчиња.

„Веќе традиционално ги посетуваме дежурните служби на новогодишната ноќ. Тие секако го заслужуваат нашето внимание. Може да кажам дека владее пријатна и убава атмосфера, службите се комплетирани со повеќе луѓе од вообичаено. И во Противпожарната единица и во полицијата, ни рекоа дека до сега имале мирна ноќ. Пожарникарите имале само една мала интервенција. Би им посакал така да остане и да немаат многу работа вечерва.“, изјави градоначалникот.

Пожарникарите и полициските службеници се заблагодарија на посетата, честитајќи им ја на гостите од општината новата година.