Граѓаните да не резервираат авиобилети, не се знае кога ќе се отворат аеродромите во Скопје и Охрид

Авиокомпаниите кои организираат летаат од аеродромите во Скопје и Охрид веќе почнаа да продаваат авиобилети за голем број од дестинациите со термини за мај.

Министерството за транспорт и врски потсети дека се уште важи одлуката за затворање  на “Меѓународниот аеродром Скопје” и аеродромдот “Св. Апостол Павле во Охрид” и ги повика граѓаните да не резервираат карти.

„Додека не се донесе друга одлука, аеродормите ќе бидат затворени за превоз на патници, а авионскиот сообраќај запрен. Оваа одлука не се однесува за државни, воени, болнички, хуманитани и карго летови без патници. Со оглед на настанатата состојба со вирусот Ковид-19, во овој момент не може да се предвиди кога повторно ќе се воспостави и нормализира авионскиот сообраќај за превоз на патници. Се до донесување на нова одлука, апелираме до сите граѓани да се воздржат од резервaции на билети, се со цел дополнително да не се изложуваат на финансиски трошоци.“, нагласуваат од Министерството.

Како и под кои правила ќе се врши авионскиот превоз на патници откако ќе заврши пандемијата, треба да одлучи Европската комисија во текот на мај.