Граѓаните на мака-Картичките не функционираат ни за плаќање, ниту за подигнување пари од банкомат

Граѓаните денеска се соочуваат со проблем и не можат да ги користат платежните и кредитните картички да платат сметка во маркет, аптека и сл, ниту пак да извадат ќеш од банкомат. Македонската банкарска асоцијација потврди  дека дел од услугите на банките членки, поврзани со картичните брендови VISA и MasterCard се недостапни – на банкомат или во трговија.

Како и досега, средствата на клиентите на банките се достапни во сите експозитури и филијали, наведоа од МБА.

„Членките на Македонската банкарска асоцијација се во интензивна комуникација со картичните брендови VISA и MasterCard, и од досегашните анализи може да се каже дека причината за проблемот не е поврзана со националните телеком оператори, ниту со поединечните системи на банките. По добивање покомплетни сознанија, јавноста навремено ќе биде известена од страна на Македонската банкарска асоцијација. Се надеваме на брзо нормализирање на сервисите.“, соопшти МБА