Гостивар
Граѓаните што ќе се вклучат во блокадата на Русино да ги почитуваат антикорона мерките
Како што веќе објавивме, утре (2 август) отпочнува десетдневна блокада на Русино. Со оглед на актуелната ковид пандемија, а особено поради порастот на новозаразени во Гостивар, неопходно е да се обрне поголемо внимание на мерките и препораките за заштита.
Апелот на граѓанската иницијатива „Стоп Русино, чист воздух за Гостивар“, кои се организатори на блокадата е во тој правец.
„Сите учесници да ги почитуваат мерките за заштита од вирусот Ковид 19, носење заштитни маски и држење растојание помеѓу себе! Дојдете и бидете горди што ќе дадете свој придонес во борбата за зачувување на здравјето и чистата животна средина!“, наведуваат од иницијативата.
Патот до Русино ќе биде блокиран за сите камиони-возила со смет, вклучувајќи ги и оние на ЈП Комуналец – Гостивар. Барањата на граѓаните се:
-Да се запре горењето на Русино
-Да се стават камери и обезбедување за да се спречат или идентификуваат подметнувачи на пожари
-Општината да поднесе итно барање до надлежните за санација и затворање на ѓубриштето Русино и одредување нова локација и изградба на регионална депонија согласно ЕУ стандардите.
Активистите велат дека ќе дозволат приод за возилата на гостиварски Комуналец кога ќе се исполнат овие барања.
Крајната цел е дислокација на Русино.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар