Граничниот премин Стрезимир-Рестилица од денес отворен за минување

Граничниот премин Стрезимир-Рестилица на македонско-косовската граница, од денес па до 20 август ќе биде пуштен во употреба за граѓаните од двете земји, информираа од општина Маврово и Ростуше.

Преминот ќе биде отворен секој ден од 08:00 до 22:00 часот, а за преминување ќе важат истите правила како и на другите гранични премини, односно патна исправа (пасош или лична карта и зелен картон за автомобил).

Овој граничен премин ќе биде многу значаен за развојот на туризмот на општините од двете држави како и за меѓусебното поврзување на жителите од Општините Маврово и Ростуше, Центар Жупа и Дебар со жителите на општините Рестелица, Драгаш и Призрен. Голема благодарност до сите кои дадоа свој допринос за отворање на овој граничен премин, за кој имаме голема надеж дека во иднина ќе биде функционален преку цела година, , наведуваат од Општината.