Поврзи се со нас

Гостивар

Грант од 510.000 евра за техничкото училиште во Гостивар, ќе се вложат во уредување и модернизирање

Објавено

на

Средното техничко училиште во Гостивар е едно од четирите во земјава кои добија грантови од Регионалниот фонд за предизвици во соработка со Германската банка за развој и германското Федерално министерство за економска соработка и развој. Грантот за гостиварското училиште е во вредност од 510.000 евра (петстотини и десет илјади евра), а предвидените инвестиции и активности ќе се спроведуваат во партнерство со неколку приватни компании, во насока на поддршка на дуалното образование.

„Со овој грант училиштето ќе биде опремено со современи технолошки алатки кои ќе се инвестираат во уредување на кабинетите во насоките и образовните профили, додека на овој начин ќе бидеме водечко училиште каде теоретското учење и пракса ќе се спроведува со високи стандарди.“, велат од училиштето.

Дуалното стручно образование почна во учебната 2017/18 година, а зголемен интензитет има од 2020/21 година. Сега повеќе од 500 компании се вклучени во овој вид на образование.

„Нашата цел е зголемување на вработливоста на младите и продуцирање на кадри со вештини и компетенции што им се потребни на компаниите и им овозможуваат на младите по завршување на средното стручно образование успешно да влезат на пазарот на трудот или доколку сакаат да продолжат во високото образование. Со помош на нашите европски партнери во стручното образование го воведовме и дуалниот модел на стручно образование. Нивните модели на дуално образование не ги пресликавме во целост, туку воведовме  системски елементи кои им се потребни на компаниите од нашата земја. Воведовме дуален модел на стручно образование кој има атрактивен пристап“, рече министерот за образование и наука Јетон Шаќири на доделувањето на грантовите.

Сподели ја веста:
Advertisement
Advertisement
Advertisement
Advertisement

Огласи за вработување:

Advertisement

Популарно изминативе 100 дена