Гостивар
Греалките и печките на дрва да не се оставаат да работат без надзор-Апел од полицијата
По стартот на грејната сезона, полицијата предупредува на можните опасности од пожари.
Поради зголемен ризик од избувнување на пожари, пред сѐ како резултат на човечко невнимание, стари и дотраени електрични инсталации, неисправни печки и навреме неисчистени оџаци во куќи или станбени згради, Секторот за внатрешни работи Тетово повторно апелира до граѓаните за максимална внимателност.
„Тоа подразбира да не ги оставаат вклучени грејните тела кога подолго време не се присутни во домовите или работните простории, пред сѐ греалки, клима уреди или печки на дрва. Зашто, доволна е само мала искра за да пламне пожар со сериозни материјални и други последици. Ова, посебно се однесува на станбените згради, каде далеку потешко се локализираат пожарите, поради недостиг на потребната опрема во многу од нив и отежнатиот пристап до објектите, најчесто од градежни или други причини. На сопствениците на куќи и на станарите во зградите им се советува најмалку два пати годишно да ги проверат и исчистат оџаците, но и да не ги преоптоваруваат инсталациите со вклучување на повеќе електрични апарати оддеднаш.“, советува СВР.
Предизвикувањето на општа опасност претставува кривично дело за кое согласно член 288 од Кривичниот законик, зависно од околностите и последиците, предвидена е затворска казна од шест месеци до пет години, а доколку тоа е направено од небрежност затворската казна е до три години.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар