Грипот напаѓа се` повеќе – Гостивар на трето место по број на болни

Гостивар е трет град во Македонија по број на заболени од грип, веднаш по Скопје и Струмица. Најновите податоци од Институтот за јавно здравје покажуваат дека во гостиварскиот регион, вкупно 814 граѓани се заразиле од вирусот на грип. Бројот на заболени секојдневно е во пораст и амбулантите се полни со пациенти кои бараат лекарска помош поради симптоми на грип.

Извршените лабараториски анализи врз примероци земени од заболени пациенти во вирусолошката лабораторија на ИЈЗ, покажале дека во земјава доминира вирусот Х1Н1, познат како свински грип. Овој тип на грип започнува да се манифестира многу нагло, со висока температура, јаки болки во мускулите, зглобовите, главоболка, малаксаност. Потоа се јавуваат и проблеми со  респираторниот систем: засипнатост, кашлица, болки во грлото, а може да дојде и до воспалување на очите. Болеста обично трае од 5 до 7 дена.

Лекарите нагласуваат дека грипот по многу симптоми наликува на настинка, но точната дијагноза треба да ја одреди лекар. Особено потенцираат дека на треба да се земаат антибиоици на своја рака, затоа што на тој начин се прави злоупотреба и може да се јави резистенција на антибиотици.

На територијата на целата земја во оваа сезона регистрирани се 7.143 заболени од грип.