Грозоморен случај: Гостиварец ја присилувал сопругата на секс со негов другар за пари

Две машки лица се задржани во Полициската станица во Гостивар, откако сопругата на едниот го пријавила за закани и присилување на сексуални односи.

За овој грозоморен случај, Секторот за внатрешни работи Тетово информираше дека дваесетгодишна гостиварка вчера (15 јануари) во 21 часот и 50 минути пријавила дека нејзиниот 21-годишен сопруг ѝ се заканувал и во неколку наврати ја  присилувал на сексуални односи со негов  другар, кој за тоа му плаќал одреден паричен надоместок.

Сопругот и  19-годишник од Гостивар, поради сомнение за инволвираност во случајот, лишени се од слобода и задржани во Полициската станица Гостивар.  Полицијата соопшти дека работи на             расчистување на случајот.

Два часа претходно, 20-годишната гостиварка, исто така, пријавила дека над неа и нејзината 37-годишна мајка било извршено семејно насилство од сопругот и три други лица од Гостивар, нивни роднини, на возраст од 23, 33 и 61 година, кои  набрзо се лишени од слобода и задржани во станица.