Грозоморно убиство во Гостивар – маж со секира и нож ја убил сопругата

Полицијата во Гостивар трага по 67 годишен гостиварец, по пријава за убиство во гостиварската населба Бањешница.

Настанот бил пријавен утринава околу 7 часот од син на жртвата, гостиварка на возраст од 60 години. Осомничен за стореното кривично дело е нејзиниот сопруг, 67-годишен жител на Гостивар, со кого жртвата подолго време имала нарушени односи, соопшти обвинителството. Според првичните сознанија на обвинителството, осомничениот ја нападнал оштетената, па со употреба на секира и нож ѝ нанел повеќе убодни рани по телото.

Јавниот обвинител издал наредби за обезбедување и прибирање на траги од лице место, кои ќе бидат предмет на натамошно вештачење. Издадена е и наредба за обдукција на телото на починатата.

Осомничениот по извршеното кривично дело се дал во бегство и во моментов е недостапен на органите на прогонот.

Дежурен јавен обвинител од Основното јавно обвинителство Гостивар, во координација со екипа на крим техника од Министерството за внатрешни работи, извршиле увид на местото каде утринава е пронајдено тело на жената.