Гулаш од зеленчук, супер рецепт за оние што постат и за вегани

Во време на велигденските пости за православните верници пренесуваме рецепт за јадење кое може да биде одличен посен ручек. Овој оброк, исто така е соодветен и за вегани.

состојки:

3 слатки компири

3 главици кромид

3 чешниња лук

2 благи пиперки

1 лута пиперка

500 мл. сос од домати

200 гр. варена леблебија

маслиново масло

сол, црн бибер, црвена пиперка, магданос

подготовка:

Слаткиот компир се лупи, се сече на коцки, се реди во плех, се додаваат сите зачини и малку маслиново масло и се става да се потпече во рерна 20-тина минути.

Пиперките, кромидот и лукот се сецкаат и се ставаат да се динстаат со маслиново масло и малку вода, исто околу 20 мин. Потоа се додаваат потпечениот сладок компир, леблебијата и сосот од домати и се остава да крчка уште 10-15 минути.

По вкус се додава уште од зачините.