Ѓурѓовден, празник што ги величи природата и животот

Денес, шести мај се слави празникот во чест на Светиот великомаченик Георгиј Победоносец меѓу народот познат како Ѓурѓовден. Ова е неподвижен празник и секоја година се одбележува на истиот датум. Именден празнуваат: Ѓорѓија, Ѓуро, Ѓурѓа, Ѓоре, Ганка, Ганчо и други.

За Ѓурѓовден се практикуваат обичаи коишто во суштината го имаат величењето на природата и живото. Така традициите налагаат, плетење на венец од зеленило и цвеќиња, миење со водата во која се потопуваат растенија и бањање во река. Ноќта, наспроти Ѓурѓовден, се собираат зелени гранки во најблиската шума и со нив ги закитуваат вратите и прозорите на куќите. Ова според христијанското верување се прави за бериќет и здравје во домот, а исто така и плодови и род по полето, во трлата и шталите.

Освен празникот Ѓурѓовден што се празнува на 6 мај нашиот народ одбележува  уште два празника поврзани со Св. Георгиј и тие спаѓаат во зимски слави, во ноември и декември.