Хепенинг по повод Нова Година во ОУ „Единство“ во Гостивар

Дворот во основното училиште „Единство“ во Гостивар денес беше место на празнична предновогодишна атмосфера, весели и вредни деца во заедничко дружење и споделување убави моменти. Колективот и учениците решија по повод Нова Година да организираат хепенинг со учество на децата од паралелките на македонски, албански и турски наставен јазик.

На посебни штандови беа изложени разни креативни изработки, новогодишни украси, декорации, честитки, како и колачи направени од самите ученици и наставниците, кои се продаваа по симболична цена. Собраните средства ќе бидат наменети за купување на музички инструмент за часовите по музичко.

Не изостана и дружењето со Дедо Мраз, кое за дечињата според новогодишните традиции и обичаи е најрадосниот дел од празнувањето.

Праазниците се убави кога се споделува радоста, порачаа од ОУ „Единство“.