Храна која не е добра за вашата кожа

Исхраната е многу важна за целокупното здравје, а со тоа и за изгледот на вашата кожа. Повеќето од нас се грижат и ја негуваат кожата со креми, лосиони и други препарати, но сепак, исхраната е најважна и за целокупниот изглед на кожата. Доколку имате проблем со акните, дефинитивно треба дополнително да внимавате на исхраната.

Ова се намирниците што треба да ги избегнувате или да го намалите нивниот внес.

Млеко

Млечните производи предизвикуваат зголемување на лојните жлезди, поголемо производство на себум и со тоа има можност за појава на повеќе акни.

Месни производи

Преработеното месо како виршли, колбаси или салама содржи големи количини на заситени масти и нитрати, кои доведуваат до воспаление на кожата.

Пекарски производи

Преработените јаглехидрати го намалуваат производството на колаген, што е многу важно за здравјето на вашата кожа.

Вештачки сокови

Вештачките засладувачи го стимулираат производството на хормонот ИГФ-1, кој е еден од клучните фактори за развој на акни.

Мајонез

Мајонезот е многу масен намаз, кој може негативно да влијае на вашата кожа и доведува до појава на акни.