Храна со која ќе го нокаутирате заморот

За секојдневието што го живееме, малку е да се каже дека е динамично. Повеќе прилега ако го опишеме како заморно. Речиси постојано сме растргнати на милион страни со еден куп обврски и во трка со времето, едноставно не доаѓа ред за одмор каков што му треба на организмот.

Исхраната многу влијае колку енергија ќе имаме за да се справиме со сето тоа што го носи денот. Заморот може да го победите со правилен избор на храна,

Мед 

Уште во старо време спортистите го користеле како примарен извор на енергија. Содржи природен шеќер, кој телото ќе го искористи како гориво за енергија. Има калиум, калциум, фосфор, магнезиум, железо и помага во одржување на гликогенот (од кој мускулите црпат енергија) со што се намалува заморот.

Јајца

Тие се протеинска храна која ќе го раздвижи целиот организам. Ги имаат сите важни аминокиселини, што му требаат на телото да произведува енергија. Незаменливи се како појадок, за што полесен старт на денот.

Банани и бадеми (или бадемово масло)

Идеална комбинација на сложени јаглени хидрати и протеини. Конзумирајте ги заедно и ќе добиете се одеднаш: овошен шеќер, магнезиум, аминокиселини, витамин Б, протеини, здрави масти. Со оглед на тоа дека не им треба никаква подготовка, може да посегнете по оваа комбинација за спас во кој било дел од денот.