Хуманитарна акција на мото клубот „GO Bikers“ од Гостивар: Помош за сограѓаните во зимските денови

Мото клубот “GO Bikers” од Гостивар продолжува со своите хуманитарни активности во својот град. Во текот на денешниот ден, членовите на клубот, поделија огревни дрва и пакети со неопходни производи на семејствата на кои им се најпотребни.

Оваа акција има за цел да им помогне на нивните сограѓани полесно да ги пребродат студените зимски денови, внесувајќи топлина и надеж за подобро утре.

Со овие активности, „GO Bikers“ испраќаат апел до сите добронамерни луѓе и компании кои се во можност да помогнат таму каде што помошта е најпотребна. Воедно, мото клубот се стреми да ги разбиe стереотипите поврзани со моторџиите, покажувајќи дека зад секоја кацига се крие човек со големо срце, подготвен да даде свој придонес во општеството.

„GO Bikres“ минатиот месец организираа и крводарителска акција.